Plantun de Prouvènço

Pèr coumpara dos planto d'encò nostre

Carex panicea & Morus alba

Queirello(-faus-mi)

Carex panicea

Cyperaceae

Àutri noum : Moutouso, Sagneto.

Noms en français : Laîche bleuâtre, Laîche faux panic.

Descripcioun :
Poulido queirello que trachis dins li relarg bagna en mountagno o dins li palun. Es uno planto que fai un rizoumo d'ounte sorton lis espigo e de fueio verdalo qu'embrasson proun la cambo. I'a uno espigueto masclo (en aut) e 1 à 3 espigo femello pas trop sarrado e emé un long pecou. Lis utriculo de 3 à 4 mm, soun claro emé un bè forço court. I'a tres estigmato (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero - Palun
Estànci : Mesoumediterran à Subaupen
Couroulougi : Éurosiberiano
Ref. sc. : Carex panicea All., 1785

Amourié-blanc

Morus alba

Moraceae

Àutri noum : Amourié, Amouhié, Amourié-rose.

Nom en français : Mûrier blanc.

Descripcioun :
L'amourié-blanc se rescontre encaro d'eici, d'eila, dins li colo e la campagno. S'èi naturalisa dins la valado dóu Rose. Se recounèis à si fueio óuvalo, en cor à la baso, e dentado. Se pòu vèire de varieta roso que ié dison amourié-rose (fotò).

Usanço :
Se saup que l'amourié, que nous vèn d'Asìo dóu couchant, fuguè proun cultiva pèr abali, emé si fueio, li magnan. Aquéli d'aqui manjon rèn qu'acò. Lou fru de l'amourié-blanc se manjo pas gaire au nostre, au contro de l'amourié-negre. Li fueio soun vertuouso pèr ajuda à digeri e dourmi, pèr lucha contro li fèbre e coume remaisso doulour.